శ్రీ రామ రక్షా స్తోత్రం
ధ్యాయేదాజానుబాహుం ధృతశరధనుశం బద్ధపద్మాసనస్థం
పీతం వాసోవసానం నవకమలదళస్పర్ధినేత్రం ప్రసన్నం ॥
వామాంకారూఢసీతా ముఖకమలమిలల్లోచనం నీరదాభం
నానాలంకారదీప్తం దధతమురుజటామండలం రామచంద్రం ॥
చరితం రఘునాథస్య శతకోటిప్రవిస్తరం
ఏకైకమక్షరం పుంసాం మహాపాతకనాశనం ॥
ధ్యాత్వా నీలోత్పలశ్యామం రామం రాజీవలోచనం
జానకీలక్ష్మణోపేతం జటామకుటమండితం ॥
సాసితూనధనుర్బాణపాణిం నక్తంచరాంతకం
స్వలీలయా జగత్త్రాతం ఆవిర్భూతమజం విభుం ॥
రామరక్షాం పఠేత్ప్రాజ్ఞః పాపఘ్నీం సర్వకామదాం
శిరో మే రాఘవః పాతు ఫాలం దశరథాత్మజః ॥
కౌసల్యేయో దృశౌ పాతు విశ్వామిత్రప్రియః శ్రుతీ
ఘ్రాణం పాతు మఖత్రాతా ముఖం సౌమిత్రివత్సలః ॥
జిహ్వాం విద్యానిధిః పాతు కంఠం భరతవందితః
స్కంధౌ దివ్యాయుధః పాతు భుజౌ భగ్నేశకర్ముకః ॥
కరౌ సీతాపతిః పాతు హృదయం జామదగ్న్యజిత్
మధ్యం పాతు ఖరధ్వంసీ నాభిం జాంబవదాశ్రయః ॥
సుగ్రీవేశః కటీ పాతు సక్టినీ హనుమత్ప్రభుః
ఊరూ రఘూత్తమః పాతు రక్షఃకులవినాశకృత్ ॥
జానునీ సేతుకృత్పాతు జంఘే దశముఖాంతకః
పాదౌ విభీషణశ్రీదః పాతు రామోఖిలం వపుః ॥
ఏతాం రామబలోపేతాం రక్షాం యః సుకృతీ పఠేత్
స చిరాయుః సుఖీ పుత్రీ విజయీ వినయీ భవేత్ ॥
పాతాళభూతలవ్యోమచారిణశ్చద్మచారిణః
న ద్రష్టుమపి శక్తాస్తే రక్షితం రామనామభిః ॥
రామేతి రామభద్రేతి రామచంద్రేతి వా స్మరన్
నరో న లిప్యతే పాపైర్భుక్తిం ముక్తిం చ విందతి ॥
ఇతి శ్రీ రామ రక్షా స్తోత్రం సంపూర్ణం ॥
Comments
Post a Comment